Həddindən artıq insolyasiya ilə insanın immun sistemi buna bir növ zəhərlənmə kimi reaksiya verə bilər, dermatoloq Qriqori Qoldin bildirib.
Aztibb.az pravda.ru-ya istinadən xəbər verir ki, mütəxəssisin sözlərinə görə, “günəş zəhərlənməsi” günəş yanığının ağır formaları deməkdir.
O əlavə edib ki, dərinin təsirlənmiş bölgəsinin qızartı və ağrıları ilə yanaşı, bədən günəş zəhərlənməsinin digər mənfi reaksiyalarını da yarada bilər: dəridə qabıqlanma və şişkinliklər görünə bilər, qıcıqlanma hissi yarana bilər. Bundan əlavə, titrəmə və qızdırma hiss edilə, başgicəllənmə və ürəkbulan ola bilər.
Vəziyyəti yüngülləşdirmək üçün həkim sərin duş, vanna qəbul etməyi və ya sərin kompres etməyi məsləhət görüb. Yanmış dəriyə sakitləşdirici krem və ya aloe gel sürtmək faydalı olardı. İbuprofen kimi bir ağrıkəsici də qəbul edə bilərsiniz.
