Toyuq yumurtası insan orqanizminə bir çox fayda gətirə bilən qida məhsuludur.

Yumurtanın adi pəhrizə daxil edilməsinin səbəblərini diyetoloq İqor Strokov sadalayıb.

Aztibb.az “MedikForum”a istinadən xəbər verir ki, mütəxəssisin sözlərinə görə, yumurtanın tərkibində çoxlu miqdarda zülal var, ona görə də orqanizmdə visseral yağların azalmasında təsirli olur. Həkim izah edib ki, bu tip piylər qarın boşluğunun dərin hissəsində yerləşir və daxili orqanları qorumaq üçün nəzərdə tutulub.

Lakin onun artıqlığı diabet və xərçəng kimi ciddi xəstəliklərin siyahısının inkişaf riskini xeyli artırır.

Bununla yanaşı, dietoloq bildirib ki, toyuq yumurtasının kalorisi azdır və tərkibində çoxlu amin turşuları və vitaminlər var.

Buna görə də hər gün yumurta istehlak etmək tamamilə təhlükəsizdir.