Alimlər göstərbilər ki, beynin maqnit stimullaşdırılması - diqqət, iş yaddaşı və planlaşdırma üçün cavabdeh olan beynin sahəsi - motor nəzarətini yaxşılaşdırmağa kömək edir.

Aztibb.az “Sensors” jurnalında dərc ounan məlumata istinadən xəbər verir ki, bu 30 sağlam könüllü üzərində tədqiqat zamanı öyrənilib. Əldə edilən nəticə nevroloji xəstəlikləri olan insanların reabilitasiyasını daha effektiv edə bilər və idmançılara öz performanslarını yaxşılaşdırmağa kömək edə bilər.

İstənilən insan hərəkəti beynin koordinasiyalı işinin nəticəsidir. Lakin bəzən bu koordinasiya beyin toxumasının zədələnməsi nəticəsində - məsələn, insult və ya Parkinson xəstəliyində - pozulur və hərəkət pozğunluqları baş verir. Onlar xəstənin həyat keyfiyyətinə mənfi təsir göstərir.

Alimlər və həkimlər bu cür xəstəliklərdən sonra müalicə və bərpa üsullarını fəal şəkildə inkişaf etdirirlər. Bir çox reabilitasiya üsulları ilk növbədə hərəkəti yerinə yetirmədən onu öyrətməyə və əksinə, həkim və ya ekzoskelet tərəfindən hərəkəti yerinə yetirməyə və sonra bu proseslər arasında əlaqə yaratmağa əsaslanır.

Reabilitasiyanı yaxşılaşdırmaq üçün alimlər həmçinin transkranial maqnit stimulyasiyasının (TMS, maqnit sahəsindən istifadə edərək beyin sinir hüceyrələrini stimullaşdırmaq üsulu) motor fəaliyyətinə təsirini öyrənirlər.

Bu, insult və Parkinson xəstəliyindən sonra hərəkət pozğunluğu olan insanlar üçün motor bacarıqlarının təkmilləşdirilməsi baxımından olduqca faydalıdır.