Yeni araşdırmanın nəticələri Britaniya Ürək-Damar Cəmiyyətinin konfransında təqdim edilib.

Aztibb.az "British Heart Foundation"a istinadən xəbər verir ki, mütəxəssislərin bildirdiklərinə görə, stentlər qoyulduqdan sonra altı ay ərzində çuğundur suyu istehlak edən anginalı xəstələrdə ikinci hücum ehtimalı bu içkini içməyənlərlə müqayisədə daha azdır.

Alimlər ürəyin işemik xəstəliyi və ya angina pektorisi olan 300 xəstəni izləyiblər. Onların 16 faizində stent qoyulduqdan sonra 2 il ərzində ürək problemləri təkrarlanıb. Bəzən hətta ikinci prosedura ehtiyac yarnıb.

Amma xəstələr hər gün çuğundur suyu içməyə başlayanda bu rəqəm 7% olub. Tədqiqatçılar hesab ediblər ki, şirənin təsiri onun tərkibindəki azot turşusu duzlarından asılıdır. Ağızdakı bakteriyalar onu nitritə və bədəndə azot oksidinə çevirir. Bu da qan damarlarına faydalı təsir göstərir.

Qeyd edək ki, çuğundur suyu hər kəsə üsün göstərişli deyil. Məsələn, bu içdikdən sonra hipotenziya ilə qan təzyiqi dəyəri kritik dərəcədə düşə bilər. Mədənin turşuluğunun artması, bağırsaq xəstəliyi, urolitiyaz, böyrək çatışmazlığı - bunlar hamısı çuğundur suyu içmək üçün əks göstərişlərdir.