Bir sıra insanlarda varikoz xəstəliyinin yaranma ehtimalı yüksək olduğundan onlar vaxtaşırı fleboloq müayinəsindən keçməlidir.

Aztibb.az xəbər verir ki, bu risk qrupuna aşağıdakı şəxslər daxildir:

- yaxın qohumları venoz xəstəlikdən əziyyət çəkənlər
- yaşlı insanlar
- az hərəkətli həyat tərzi sürənlər
- oturaq işlə məşğul olan və ya əksinə ayaq üstə çox qalan peşə sahibləri (bərbər, satıcı, cərrah və s.)
- artıq çəkisi olanlar
- hamilə qadınlar

Sağlamlığı qorumaq üçün 30 yaşdan başlayaraq, ildə 1 dəfə fleboloqun baxışı tövsiyə olunur. Amma yuxarıdakı risk amilləri varsa, onda daha erkən yaşlardan profilaktik müayinələr məsləhətdir. Belə ki, xəstəliyin müalicəsinə nə qədər tez başlanılarsa, onu sağaltmaq bir o qədər asan olur.