Tinnitus qulaqlarda davamlı cingilti ilə xarakterizə olunan bir vəziyyətdir.

Aztibb.az “JAMA Network Open” nəşrinə istinadən xəbər verir ki, yeni bir araşdırma sayəsində Miçiqan Universitetinin (UMich) alimləri bu xəstəlikdən əziyyət çəkən insanlara kömək edə biliblər.

Onların metodu ilə müalicə edilən insanların 60%-dən çoxu yaxşılaşdığını bildirib.

Tədqiqatçılar qeyd ediblər ki, ABŞ-da insanların təxminən 15%-i tinnitusdan əziyyət çəkir. Onların demək olar ki, yarısı xroniki xəstəlikdən əziyyət çəkir. Alimlər evdə bu xəstəliyin qarşısını almağa kömək edəcək fərdi stimullaşdırma üçün bir cihaz hazırlayıblar.

Cihazı 6 həftə istifadə edən insanların yarıdan çoxu simptomlarının yaxşılaşdığını bildirib. Elektrik stimullaşdırılmasının fərdi səs terapiyası (səs-küy) ilə birləşməsi tinnitus xəstələri üçün portativ həll yaradıb.