Uşaqlarda badamcıqlar sıx-sıx iltihablaşır. Bu halda qoruyucu funksiyasını itirib infeksiya mənbəyinə çevrilir.
Aztibb.az xəbər verir ki, otonevroloq Nigar Muradova badamcıqların həddən artıq böyüyüb udqunmada, nəfəs almada çətinlik yaratdığını, yuxuda tənəffüs dayanmasına səbəb olduğunu deyib.
Belə olan halda badamcıqlar əməliyyatla çıxarılmalıdır. Vaxtında əməliyyat olunmazsa ürək və ürək qapaqlarında dəyişikliyə səbəb ola bilər.
Əməliyyatdan sonra bu kimi problemlərə son qoyulur:
• Tənəffüs pozulması
• Boğaz ağrısı, udqunmada çətinlik
• Üşütmə, titrəmə
• Baş ağrısı, iştahsızlıq
• 39-40 dərəcəyə çatan qızdırma
• Badamcıqlarda qızartı və şişkinlik
• Boğaz ağrısı ilə yanaşı qulaq ağrısı
• Mədə bulanması, qusma, qarın ağrısı
• Ağızda pis qoxu
• Halsızlıq, bədənin hər yerinin ağrıması hissi, oynaq ağrıları
