Bəzi təhlükəli hörümçəklərin zəhərinin təsiri xarici stimullardan və əhvalı-ruhiyyədən asılıdır.

Aztibb.az osnmedia.ru-ya istinadən xəbər verir ki, bunu Ceyms Kuk Universitetinin bioloqları bildiriblər.

“Plos One” nəşrində elmi nəticələri dərc edilən tədqiqatçılar planetdəki dörd ən zəhərli Avstraliya hörümçək növlərinin - Hadronyche valida, Hadronyche infensa, Hadronyche cerberea və Atrax robustusun toksinlərini tədqiq ediblər.

Alimlər qeyd ediblər ki, zəhərin tərkib hissələri hörümçəklərin müəyyən davranış və fizioloji xüsusiyyətləri ilə bağlıdır.

Başqa sözlə, hörümçək zəhərinin toksiklik səviyyəsi əhvalı-ruhiyyədən asılı olaraq dəyişir.