Vyatka Dövlət Universitetinin alimləri tərəfindən qida və yeni mürəkkəb reseptlərinin 3D çapına yeni yanaşma işlənib hazırlanıb.

Aztibb.az xəbər verir ki, tədqiqatçıların işinin nəticələri “Gels” jurnalında dərc olunub. Texnologiya ilk dəfə olaraq yetişdirilən bitki hüceyrələrindən istifadə edir.

Alimlər hesab edirlər ki, qida çapı texnologiyası insanların yemək davranışını idarə etmək üçün bir üsula çevriləcək.
Qida mürəkkəbi bitki kallus toxumalarının süni şəkildə yetişdirilmiş hüceyrələri əsasında yaradılır.

“3D qida çap üsulu ilə əldə edilən məhsullar sınaqdan keçirilib və tamamilə yeməyə yararlıdır. Texnologiyamızın köməyi ilə təkcə məhsulun tərkibinə deyil, həm də qidanın ağız boşluğunda qalma müddətinə nəzarət etmək mümkündür ki, bu da əslində doymaya nəzarət etmək üçün bir yoldur ", – deyə tədqiqat qrupundan bildirilib.