Anadangəlmə hipotiroidi yenidoğulanlarda ən çox rast gəlinən endokrinoloji haldır və qalxanabənzər vəzi hormonlarının anadangəlmə çatışmazlığı deməkdir.
Aztibb.az xəbər verir ki, pediatr-endokroinoloq Könül Səmədovanın bildirdiyinə görə, anadangəlmə hipotiroidi ilə doğulan körpələrin 95%-də əlamətlər nəzərə çarpır.
Həkim qeyd edib ki, ümumi olaraq xəstəlik 6-cı həftədən sonra özünü göstərir. Klinik əlamətlərin yavaş inkişafı yenidoğulmuşların skrininqinin nə qədər əhəmiyyətli olduğunu sübuta yetirir.
Pediatr anadangəlmə hipotiroidin əlamətlərini sadalayıb:
-Uzanmış sarılıq
-Yuxululuq
-Kobud səs, anormal ağlama
-Quru dəri
-Kobud üz görünüşü
-Göbək yırtığı
-Seyrək və cod saçlar
-Açıq və böyük ağız,böyük dil
-Əmmənin zəif olması
-Qəbzlik
-Ətrafların soyuq olması
-Periferik sianoz,cutis marmaratus
-Hipotermiya
-Əzələ hipotoniyası
Həkim əlavə edib ki, diaqnozu düzgün qoyulmayan və ya müalicəsi düzgün aparılmayan uşaqlarda dişçıxarma, oturma, yerimə, danışma və əmgəyin bağlanmasında gecikmə müşahidə olunur.
