"Funksional endoskopik sinus cərrahiyyəsi" endoskopların köməyi ilə icra edilən, burun içi əməliyyatlarına verilən ümumi addır.

Aztibb.az xəbər verir ki, otorinolorinqoloq Cahangir İsmayılovun sözlərinə görə, təkrarlanan sinus xəstəliklərinə burun polipləri, təkrarlanan iltihablar və ya sinusların "ağızlarının tıxanması" səbəb olur.

Həkim qeyd edib ki, bu əməliyyat burundan normal hava axınını və burun axıntısını təmin etmək üçün icra edilir. Burundakı normal strukturlar pozulmadan, sinus xəstəliyinin aradan qaldırılması mümkün olur. Bu yolla, burun və sinuslar normal funksiyalarına qaytarılır.

“Xaricdən hər hansı kəsik aparılmır, əməliyyat burun içindən aparılan kəsiklərlə icra edilir. Bu zaman burun ətrafı ciblərin ağzı genişləndirilir. Əməliyyat adətən ümumi anesteziya ilə icra edilir. Əməliyyat sonunda burun içinə özü sorulan və kiçik tamponlar istifadə edilir. Əməliyyatdan sonra xəstələr vəziyyətlərindən aslı olaraq evə göndərilə bilərlər”, – deyə Cahangir İsmayılov vurğulayıb.