Aralıq dənizi pəhrizinin hamilə qadınların psixoloji rifahı və yuxusu üçün faydaları İspaniyanın Barselona Universitetinin alimləri tərəfindən müzakirə edilib.
Aztibb.az osnmedia.ru-ya istinadən xəbər verir ki, mütəxəssislər öz araşdırmalarında meyvə-tərəvəz, balıq və qoz-fındıq, paxlalı bitkilər, zeytun yağı, az yağlı süd məhsulları yeməyin müsbət təsirlərini öyrəniblər.
Tədqiqatda üç qrupa bölünən 680 hamilə qadın iştirak edib.
Birinci qrup Aralıq dənizi pəhrizinə başlayıb, ikinci qrup stressi azaldan terapiya keçib, üçüncü qrup isə gündəlik analıq baxımı qaydalarına əməl etməyə davam edib.
Aralıq dənizi pəhrizinə başlayan hamilələrdə stress və narahatlıq səviyyələrini azaldığı, eləcə də yuxu və diqqətin yaxşılaşdığı müəyyən edilib.
Araşdırmanın nəticələri "Nutrients" jurnalında dərc edilib.
