Acı bibər yeməyin ani ölüm riskini azaldacağı məlum olub. Bu qənaətə Türkiyə alimləri gəlib.
Aztibb.az actualnews.org-a istinadən xəbər verir ki, türkiyəli alimlər 8 ildir ki, acı bibərin insan orqanizminə təsirini araşdıraraq onun gözlənilməz ölüm riskini əhəmiyyətli dərəcədə azaltdığını müəyyən ediblər.
Professor Mustafa Çetiner iddia edir ki, bibərin tərkibində xərçəng, həmçinin insult və infarkt riskini azaldan kapsaisin molekulları var.
Alim onu da qeyd edib ki, həftədə ən azı beş dəfə acı bibər yeyən insanların qəfil ölmə ehtimalı ümumiyyətlə acı bibər yeməyən və ya çox nadir hallarda belə yeyənlərlə müqayisədə 23% azdır. Eyni zamanda, ürək xəstəliyi riski 34% azalıb.
Kapsaisin yemək başına daha çox kilokaloriya xərcləməsinə kömək edir. Əsas maddələr mübadiləsini stimullaşdırdığı üçün bədəndəki yağları yandırır. Acı bibərdə həmçinin B1, B2, C vitaminləri və antioksidantlar var.
Bibərin tərkibindəki karotenoid piqmentləri görmə qabiliyyətini dəstəkləyən və immunitet sistemini gücləndirən beta- və alfa-karotinə bənzəyir.
Professor onu da nvurğulayıb ki, kapsaisin molekulları prostat vəzi, mədəaltı vəzi və dəri xərçənglərinin müalicəsində istifadə olunmalıdır.