Ürəyi xəstə insanlar istidə nələri etməməlidir?
Aztibb.az xəbər verir ki, kardioloq Anna İsayeva e1.ru saytına ürək xəstələrinin istidə özlərini necə qoruya biləcəyini danışıb.
Həkimin sözlərinə görə, sağlam gənclər də istiyə həssasdırlar. Onlar başgicəllənmə və halsızlıq hiss edə bilərlər.
Sadə qaydalara əməl etməklə özünüzü günəşdən xilas edə bilərsiniz: istidə çöldə işləməyin, açıq rəngli qapalı paltar geyinin, kifayət qədər maye qəbul edin, elektrolitləri doldurun.
İstidə təzyiqin aşağı düşdüyünü bildirən həkim ürək xəstəliyindən əziyyət çəkən insanlara bu halda həkimə müraciət etməyi tövsiyə edib. Mühüm bir qayda, həkim tərəfindən təyin olunan bütün dərmanları qəbul etməyi unutmamaqdır.
Həkim yaşlıları günəş altında çöl işlərindən qorumağı məsləhət görüb. İstidə, heç bir halda spirt də qəbul edilməməlidir. Ən yaxşı içki təmiz su və ya zəif, şəkərsiz çaydır.
Həkim simptomları da sadalayıb: ürəkbulanma, qusma, halsızlıq, baş ağrısı. Bu halda həkimə müraciət etmək daha yaxşıdır.