Bu yaxınlarda 50 yaşı tamam olan Böyük Britaniya sakini pəhrizini kökündən dəyişməsi və özünə yeni hobbi tapması sayəsində bir ildə 63 kiloqram arıqlayıb.

Aztibb.az “Nation news”a istinadən xəbər verir ki, Bauerlər ailəsi uzun illərdir artıq çəki ilə bağlı problemlərdən əziyyət çəkirlər. Ailədən olan qadın arıqlamağa çalışsa da, heç bir nəticə verməyib. Onun maksimum çəkisinin 141 kiloqrama çatdığı bildirilib.

Qadın pəhrizlərin köməyi ilə çəki itirməyə çalışsa da, müsbət nəticə olmayıb və adi pəhrizinə qayıdıb. Qadının standart pəhrizinə yağlı tost, çips, sarımsaqlı çörək ilə spagetti bolonez, ətli piroq və toyuq, həmçinin çoxlu miqdarda şəkərli içkilər daxil idi.

Müraciət etdiyi yeni həkim britaniyalı qadına yeni pəhriz yaratmağa, yemək vərdişlərini və həyat tərzini dəyişməyə kömək edib. Beləliklə, qəlyanaltı əvəzinə tərəvəz və meyvələr yeməyə başlayıb, eyni zamanda velosiped sürüb.

Velosiped sürmək qadın üçün yeni hobbi olub, o, sağlamlığını qorumaq və arıqlamaq üçün gündə təxminən 25 kilometr yol qət etməyə başlayıb. Nəticədə bir il ərzində qadın 63 kiloqram arıqlayıb.