Sağlam qidalanma sahəsində mütəxəssis, diyetoloq və nutritionist Tatyana Meşçeryakova yayda uşaqları necə qidalandırmaqla bağlı məsləhətlərini bölüşüb.

Aztibb.az xəbər verir ki, “İzvestiya” nəşri ekspertin tövsiyələrini dərc edib.

Mütəxəssis qeyd edib ki, yayda uşaqların pəhrizində daha çox protein olmalıdır, çünki amin turşuları, xüsusən də aktiv böyümə dövründə bədənin öz zülalının sintezi üçün vacib komponentdir.

Bundan əlavə, diyetoloq valideynləri uşaqların qida rasionunda “boş kalori” adlanan qidaların qəbulunu məhdudlaşdırmağa çağırıb. Belə məhsulların siyahısına peçenye, şirniyyat, çörək və digər qənnadı məmulatları daxildir.

Bunun əvəzinə uşaqlara çoxlu mikroelementlər və vitaminlər olan daha çox meyvə və tərəvəz vermək tövsiyə olunur.