Kliniki diyetoloq Anna Qosudareva bildirib ki, imtahanlardan əvvəl omeqa-3, koenzim Q10 kimi vitaminlər içməyə, vitaminləri yüksək olan qidaları qəbul etməyə dəyər.

Aztibb.az xəbər verir ki, bu barədə “İzvestiya” nəşri məlumat yayıb.

“Beynin maksimum işləməsinə, məlumatları daha yaxşı yadda saxlamağa, həddindən artıq həyəcan və sinir gərginliyinin öhdəsindən gəlməyə kömək edir. Koenzim Q10 isə idrak funksiyalarını yaxşılaşdıran hüceyrə güc mərkəzlərimiz - mitoxondriya üçün enerji istehsal edir”, – deyə ekspert izah edib.

Həmçinin maqnezium duzu ilə vannalar kursu sinir gərginliyini aradan qaldırmağa kömək edəcəkdir.

“Yüksək maqnezium sulfat vannaları bədəni rahatladır, toksinləri çıxarır və sağlam yuxuya kömək edir. Vacib imtahanlardan əvvəl gündə ən azı 7-8 saat yatmaq olduqca faydalıdır”, – deyə həkim vurğulayıb.

Qidalardan yağlı balıq və tünd şokolad stress və narahatlıq səviyyəsini azaltmağa kömək edir. Həmçinin, yumurta yemək bu problemi həll etməyə kömək edəcək, çünki yumurta D vitamini və amin turşusu triptofan mənbəyidir və bu da öz növbəsində serotonin istehsalına kömək edir.