Diyetoloq, Sankt-Peterburq Universitetinin tibb fakültəsinin dosenti Andrey Bobrovski qırmızı əti insan orqanizmi üçün ən zərərli adlandırıb.

Aztibb.az “Moslenta” nəşrinin məlumatına əsasən xəbər verir ki, müsahibəsində ekspert qırmızı ət növləri arasında ən zərərlisinin donuz əti olduğunu bildirib.

Həkim bildirib ki, onun tərkibində sağlamlıq üçün təhlükəli yağların maksimum konsentrasiyası var: “Donuz əti tərkibində "pis" yağ olduğuna görə insult, infarkt və qan dövranı pozğunluğuna səbəb ola biləcək aterosklerozun inkişafına kömək edir. Ən çox ölümə səbəb olan bu xəstəliklərdir”.

Diyetoloq vurğulayıb ki, qırmızı ət növləri arasında tərkibində insan orqanizmi üçün zərərsiz olanı quzu ətidir.