İnteqrativ tibb mütəxəssisi Uin Braun bir çox insanın tez-tez əziyyət çəkdiyi baş ağrılarının səbəblərindən danışıb. Mütəxəssis iddia edib ki, bu xoşagəlməz vəziyyətin öhdəsindən dərman istifadə etmədən də gəlmək mümkündür.

Aztibb.az Xorvatiyanın “Veçerniy List” nəşrinə istinadən yazır ki, bu mənada həkim pəhrizi dəyişməyi tövsiyə edib.

Həkim qeyd edib ki, bir çox insanlar müəyyən qidalara öyrəşdikləri üçün monoton pəhriz saxlayırlar. Bu baxımdan o, daha çox təzə meyvə və tərəvəz yeməyi tövsiyə edib: “Bədəni əlavə su, vitamin və minerallarla təmin edirlər”.

U.Braun iddia edib ki, düzgün pəhriz miqren və baş ağrısının digər formalarına qarşı mübarizədə mühüm vasitə ola bilər.

O, həmçinin vurğulayıb ki, nizamsız və balanssız qidalanma çox vaxt orqanizmdə kimyəvi balansın pozulmasına və əsas qida maddələrinin çatışmazlığına gətirib çıxarır ki, bu da beyin və sinir sisteminin fəaliyyətinə mənfi təsir göstərir.