Gündə üç porsiya bağırsaq, ürək və dəri sağlamlığını yaxşılaşdırır
28.05.2023 09:00

Amerikalı tədqiqatçılar gündə 3 porsiya üzüm yeməklə mədə-bağırsaq traktının sağlamlığını əhəmiyyətli dərəcədə yaxşılaşdıra biləcəyinizi deyiblər.


Aztibb.az “Scientific Reports”a istinadən xəbər verir ki, ABŞ-dan olan mütəxəssislər üzümün sağlamlığı yaxşılaşdıraraq bağırsaq mikrobiomunu dəyişdirdiyini müəyyən ediblər.


Bağırsaqlarda orqanın fəaliyyətinə təsir edən milyardlarla mikroorqanizm var. İki ay ərzində könüllülər mikrobiomun tərkibi üçün sınaqdan keçirilib.


İki həftə ərzində tədqiqat iştirakçıları pəhrizlərini məhdudlaşdırıblar və sonra iki həftə ərzində gündəlik üç porsiya miqdarında giləmeyvə istehlak ediblər. Sonra üzüm yeyilməsinə yenidən ara verilib.


Tədqiqatın nəticələri göstərib ki, üzüm yeməkdən sonra bağırsaqlarda bakteriyaların sayı, fermentlərin səviyyəsi dəyişib və bu, ürəyin, yoğun bağırsağın, beyinin, dərinin vəziyyətinə və ümumi sağlamlığa faydalı təsir göstərib.

 

Səadət Abdullayeva
Müəllifin digər yazıları