Yaşıl çay sağlamlıq üçün faydalı hesab olunur.

Aztibb.az runews24.ru-ya istinadən xəbər verir ki, lakin mütəxəssislər bu içkinin ehtiyatla istehlak edilməli olduğunu bildirirlər.

Bununla bağlı diyetoloq Anjelika Duval bildirib ki, yaşıl çay antioksidan xüsusiyyətlərinə görə ən sağlam içkilərdən biri kimi tanınsa da, hər kəs içə bilməz.

Məsələn, hipertoniya və sidik sistemi xəstəlikləri olan insanlar içdikləri yaşıl çayın miqdarını məhdudlaşdırsalar, daha yaxşı olar.

Sağlam insanlara gəlincə, onlara da səhərlər iki və ya üç stəkandan artıq yaşıl çay içmək tövsiyə edilmir. Bu, içkinin tərkibində tonik maddələrin olması ilə bağlıdır.

Eyni səbəbdən yatmazdan əvvəl yaşıl çay içməmək daha yaxşıdır, əks halda yuxusuzluq yarana bilər.

Buna görə də sinir sistemini həddindən artıq həyəcanlandırmamaq üçün günortadan sonra axşam saat altıya qədər yaşıl çay içmək məsləhətdir.