Həkim Vitali Holdin bildirib ki, bəzən alkoqolsuz pivəyə soda və ya kvas kimi baxırlar, lakin bu içki heç də təhlükəsiz deyil.

Aztibb.az xəbər verir ki, pravda.ru portalının məlumatına görə, həkim alkoqolsuz pivənin zərərli olduğunu deyib:

“Alkalkoqolsuz pivə enerji partlayışı verən, eyni zamanda qanda qlükoza səviyyəsini əhəmiyyətli dərəcədə artıran asanlıqla həzm olunan karbohidratlara əsaslanır. Bu içkinin istifadəsi sayəsində insan xeyli miqdarda əlavə çəki yığa, şəkər xəstəliyinə tutula və orqanizmdə metabolik prosesləri poza bilər”.

Həmçinin, V.Holdin əlavə edib ki, bu içki qaraciyər, böyrək və s. kimi orqanlara mənfi təsir göstərir.

Qeyd edək ki, bu içkinin tərkibində stress səviyyəsini azaldan bir sıra antioksidantlar, eyni zamanda az miqdarda B vitaminləri də var.