Endokrinoloq Olqa Duxareva bildirib ki, səsin dəyişməsi adətən tənəffüs xəstəliklərini, o cümlədən viral və ya allergik xəstəlikləri göstərir, lakin bu, qalxanabənzər vəzin patologiyasının da əlaməti ola bilər.

Aztibb.az xəbər verir ki, lenta.ru-ya müsahibəsində mütəxəssis boğuq səsin hipotiroidizmin əlaməti ola biləcəyini deyib. Bu T4 və T3 hormonlarının çatışmazlığıdır.

Həkimin qeyd edib ki, xəstəliklə birlikdə bütün toxumaların metabolizması dəyişir, bu da xəstənin üzünün sarımtıl rənginə, şişkin görünüşünə, quru dəriyə, əzələ ağrısına, saç tökülməsinə və kövrəkliyə səbəb olur. Xəstəlik zəiflik, yorğunluq, yuxu pozğunluğu, çəki artımı şəklində əks oluna bilər.

Orta qulağın, dilin və qırtlağın şişməsi səbəbindən səs boğulur və alçalır, eşitmə itkisi ilə müşayiət olunur. Diqqət və yaddaş pisləşir, baş ağrıları yaranır, xəstələrdə nadir hallarda xolesterinin səviyyəsi yüksəlir və anemiya inkişaf edir, həzm orqanlarında fermentlərin istehsalı azalır ki, bu da ürəkbulanma, qəbizlik, iştahsızlıq, meteorizmlə özünü göstərir. Qadınlarda, hormon çatışmazlığı fonunda, reproduktiv sistemin pozulması olur.

Profilaktik tədbir olaraq mütəxəssis yodlaşdırılmış duzdan istifadə etməyi məsləhət görüb. Beş qram məhsulda 150-200 mikroqram yod var ki, bu da lazımi hormonların normal istehsalı üçün zəruri gündəlik dozadır, artığı tövsiyə edilmir.