Bəzi çox əlverişli tərəvəzlər sağlam hüceyrələrin böyüməsinə kömək edir və bu da öz növbəsində sağlamlığa müsbət təsir göstərir.

Aztibb.az xəbər verir ki, terapevt Svetlana Nikitina bəzi tərəvəzlərin xərçəng şişlərinə qarşı effektivliyi haqqında fikirlərini “MedikForum” nəşri ilə bölüşüb.

Məsələn, tərkibində likopen olan pomidorların istifadəsi sağlam hüceyrələrin böyüməsinə kömək edir. Likopen prostat xərçənginin müalicəsində özünü sübut edib.

Lobya və brokkolinin (kələm) tərkibində sulforafan var. Bu birləşmə döş xərçəngi hüceyrələrinin sayını iyirmi beş faizə qədər azaldır. Bu tərəvəzlər kolorektal xərçəng riskini də azaldır.

Sarımsağın tərkibində olan allisin orqanizmdəki xərçəng hüceyrələrini “öldürür”.

İspanaqda bol olan antioksidantlar orqanizmdə sərbəst radikalların qarşısını alır və xərçəngin yaranmasını önləyir.

Mütəxəssis bütün bunların yalnız köməkçi vasitə olduğunu və tibbi yardımı əvəz edə bilməyəcəyini vurğulayıb. O, tövsiyə edib ki, xəstəliyin ən kiçik əlamətləri görünsə, mümkün qədər tez həkimlərə müraciət edin.