Rusiyada şəhərətrafı ərazilərdə gəmiricilərdən insanların kütləvi şəkildə yoluxa biləcəyi "Böyrək sindromu ilə hemorragik qızdırma (HFRS) profilaktikası haqqında" xəbərdalıq edilib.

Aztibb.az medzdrav.info-ya istinadən xəbər verir ki, məlumata görə, xəstəliyin əsas əlamətləri boğaz ağrısı, görmə itiliyinin azalmasıdır. Xəstəliyin inkişafı ilə bel, qarın və gözlərdə ağrı görünə bilər.

HFRS böyrək çatışmazlığı və pielonefrit kimi mümkün böyrək ağırlaşmaları da daxil olmaqla sidik sistemini zədələyir. Bildirilir ki, yoluxmuş şəxsin başqalarına yoluxdurması baş vermir.

Məlumata görə, infeksiyaya yoluxmamaq üçün sadə profilaktika qaydalarına riayət etmək lazımdır: otağı nəm təmizləmək və havalandırmaq, qabları dezinfeksiyaedici maddələrlə təmizləmək və ya üzərinə qaynar su tökmək, gəmiricilərin ola biləcəyi yerdə qidaların qorunmasını təmin etmək lazımdır.