Demansın məşhur adı qocalıq dəliliyi və ya qocalıq demensiyasıdır. Amma təəssüf ki, son illər xəstəlik getdikcə cavanlaşır və əhalinin daha çox təbəqəsini əhatə edir.
Aztibb.az xəbər verir ki, nevroloq Yekaterina Demyanovskaya gazeta.ru saytına yeni başlayan demensiyanın əsas əlamətlərini sadalayıb.
Demans həm xəstənin özünə, həm də ətrafındakı insanlara təsir edən ağır nevroloji xəstəlikdir. İlk növbədə insanın idrak qabiliyyəti pozulur.
Çox vaxt xəstəliyin ilk "zəngi" maraqlar və fəaliyyətlər sahəsində kəskin dəyişiklik ola bilər. Demans inkişaf etməyə başlayanda insanlar çətin sözləri unudurlar və oxşar səslənən terminləri qarışdırırlar.
Çox vaxt xəstəliyin ilk simptomları başqaları üçün nəzərə çarpmır. Xəstəliyin inkişafı sosial problemlər yaradır, xəstə başqalarından asılı olur.
