Rusiyaya quş qripi qayıdıb. Xəstəlik quşlar üçün təhlükəlidir, lakin indiyədək insanlar arasında yoluxma halları qeydə alınmayıb.
Aztibb.az glas.ru-ya istinadən yazır ki, Moskvada quş qripinə görə karantin elan edilib. Mütəxəssislər Borisovski gölünün ərazisində tapılan qağayıları müayinə etdikdən sonra quş qripi aşkar ediblər.
Quş qripinin təhlükəsi nədir və yoluxmamaq üçün nə etməli?, virusoloq Alexander Çepurnov bu barədə müsahibəsində bildirib.
Həkim virusla təmas riskini minimuma endirmək üçün ehtiyat qaydalarına əməl etməyi tövsiyə edib. O qeyd edib ki, quş cəsədləri və ya aşkar xəstə quşlarla ehtiyatlı olmaq lazımdır. Heç bir halda onlara toxunulmamalıdır.
Onun sözlərinə görə, indi əsas vəzifə infeksiyanın insandan insana keçməsinin qarşısını almaqdır.