Yataq xəstəsinin bədəninin əsasən, müəyyən yerlərinə təzyiq göstərilir. Xəstənin bədəninin təzyiqi və döşəyin əks-təsiri dəri və əzələlərdə qan dövranının azalmasının səbəbi olur. Nəticədə toxumaların qidalanması pozulur və məhv olma dərəcəsinədək zədələnir. Bunun nəticəsi yataq yaralarıdır.

Aztibb.az bununla bağlı təlimata əsalanaraq xəbər verir ki, yataq yaraları əsasən, sümüklərin çıxıntı hissələrinin üzərində, tibbi və ya digər avadanlıqların təzyiqi altında əmələ gəlir.

Xəstə kürəyi üstündə yatdıqda təzyiqə əsasən məruz qalan yerlər:
-Başın arxa hissəsi
-Kürəklər
-Dirsəklər
-Çanağın qıraqları
-Büzdüm
-Dabanlar
-Ayaq barmaqları

Xəstə böyürü üstündə yatdıqda təzyiqə əsasən məruz qalan yerlər:
-Qulaqlar
-Çiyinlər
-Dirsəklər
-Çanağın qıraqları
-Dizlər, topuqlar

Ümumiyyətlə yataq yaraları təzyiq altında olan, əzələlərlə kifayət qədər müdafiə olunmayan bədənin istənilən yerində əmələ gələ bilər. Yataq yaralarının ilk əlamətləri (qızartı, sıyrıntı) əmələ gəldikdə həkimə və ya tibb bacısına xəbər vermək lazımdır.