Siqaretin zərərləri haqqında çox yazılıb, deyilib. Qan damarları və ürək üçün riskdir, insultlara səbəb olan amillərdən biridir. Nikotinin ağciyərlərə çox mənfi təsiri var. Ancaq bu, bütün siyahı deyil. Amerikalı mütəxəssislərin son araşdırması onun beyinə də zərərli təsir göstərdiyini öyrənib.
Aztibb.az medRxiv resursuna istinadən yazır ki, Pensilvaniya Universitetinin alimləri nikotinin beyin həcminin azalmasına səbəb ola biləcəyini göstərən araşdırma aparıblar.
Əvvəlki tədqiqatlar artıq aşkar edib ki, siqaret çəkənlərin beyin həcmi heç vaxt siqaret çəkməyən eyni yaşda olan insanlara nisbətən daha kiçik olur. Ancaq dəqiq səbəb əlaqəsi tapılmamışdı.
Yeni tədqiqatla alimlər sübut edə bilblər ki, beyin həcminin azalmasına səbəb olan siqaret tüstüsünün komponentlərinə məruz qalmasıdır.
Tədqiqatda 28 min insan iştirak edib. Alimlər Britaniya Biobankında saxlanılan MRT görüntülərini təhlil ediblər. Nəticələr aydın şəkildə göstərib ki, siqaret çəkənlərin orta beyin ölçüsü siqaret çəkməyənlərinkindən daha kiçikdir.
Həmçinin, sorğuların nəticələrinə əsasən müəyyən edilib ki, siqaret qutusu boz maddənin həcminin azalmasına səbəb olur.