Ateroskleroz yavaş gedişli, mərhələli xəstəlik olub uşaqlıqdan başlaya bilər. Baxmayaraq ki, tam dəqiq səbəbi bilinmir, ateroskleroz arteriya daxilində zədə və ya yara ilə başlanır.
Aztibb.az xəbər veri ki, ürək-damar cərrahı, tibb üzrə fəlsəfə doktoru Ramil Əliyevin sözlərinə görə, bu zədə aşağıdakı səbəblərdən yarana bilər:
-Yüksək qan təzyiqi
-Yüksək xolesterin
-Yüksək triqliseridlər
-Siqaret və digər tütün məhsullarının istifadəsi
-İnsulin rezistentliyi, diabet və ya artıq çəkili olmaq
-Hər hansı infeksiyadan, artrit və qırmızı qurd eşənəyi iltihabından və ya bilinməyən iltihabi xəstəlikdən
Arteriyanın daxili divarı zədələndikdə, qan hüceyrələri və digər maddələr tez zədə nahiyəsinə gəlir və arteriyanın daxili səthində toplanır.
Zamanla xolesterin və digər maddələrdən ibarət olan yağ depoları (ərp) da yara nahiyəsinə gələrək zədə ətrafında toplanır və sərtləşir, arteriyaları daraldır. Bu arteriyaya bağlı olan toxuma və orqanlar yetərli miqdarda qan ala bilmədikləri üçün düzgün fəaliyət göstərə bilmir.
Bəzən ərpin parçaları qoparaq qan dövranına daxil olur.
Əlavə olaraq ərpin nazik qatı dağılır, xolesterin və digər maddələri qan dövranına buraxır. Bu proses qan laxtası meydana gətirə və orqanizmin spesifik nahiyəsində damarı tıxaya bilər.
Buna misal olaraq ürək arteriyasının tıxanması nəticəsində infarktın yaranmasını göstərə bilərik. Bu laxta həmçinin qoparaq orqanizmin başqa yerində başqa bir orqanın arteriyasını tıxaya bilər.