Yaponiyada ürək-damar sistemi xəstəliklərinə qarşı profilaktik tədbir kimi konservləşdirilmiş balıq yeməyin faydaları müzakirə edilib.

Aztibb.az xəbər verir ki, “InoSMI” portalı kardioloq Daisaku Masudanın bununla bağlı yazısını dərc edib.

Ürək-damar xəstəlikləri hal-hazırda əksər yapon qadınları üçün əsas ölüm səbəbidir. Bu cür xəstəliklərin qarşısının alınmasına xüsusilə güclü diqqət menopozdan sonra qadınlara verilməlidir, çünki qadın hormonları artıq qan damarlarını "pis xolesteroldan" qorumağa kömək etmir.

Daisuka Masuda menopozdan sonra qadınlara ət qəbulunu azaltmağı və onu balıqla əvəz etməyi tövsiyə edir. Bununla belə, hamının balıq yeməklərini necə bişirəcəyini bilmədiyi üçün mütəxəssis əvəzində balıq konservlərinə diqqət yetirməyi təklif edib.

Belə ki, konservləşdirilmiş skumbriya pomidor, ağ sardina düyü və turşu tərəvəz, Sezar salatı isə qızılbalıq ilə istehlak edilməlidir.

Qeyd olunub ki, məqalə məlumat xarakterlidir. Səhhətinizdə problem varsa, bir mütəxəssislə əlaqə saxlayın.