Mayın 19-da gənc həkim və rezidentlər üçün “Azərbaycandan Böyük Britaniyaya aparan uğur hekayəsi” şüarı ilə Böyük Britaniyada diplomdansonrakı tibb təhsili və mama-ginekologiya üzrə ixtisaslaşmaya dair maarifləndirici görüş həyata keçiriləcək.
Bu barədə Aztibb.az-a Mərkəzi Gömrük Hospitalından məlumat verilib.
Dövlət Gömrük Komitəsinin Tibbi Xidmət İdarəsinin Elmi-Təcrübi Tədris Mərkəzinin və Mərkəzi Gömrük Hospitalının birgə təşkilatçılığı ilə baş tutacaq görüşdə Böyük Britaniyanın Kral Bekşeyr Hospitalının həkimi Səkinə İbrahimova “Böyük Britaniyada diplomdansonrakı tibb təhsili: ümumi prosedur və qaydalar” və Böyük Britaniyanın Birmingem Qadın və uşaq hospitalının mama-ginekoloqu Fidan İsrafil-Bəyli “Böyük Britaniyada mama-ginekologiya üzrə ixtisaslaşma: ümumi prosedur və qaydalar” barədə məlumat verəcəklər.
Hərkəs üçün əlçatanlığı təmin etmək məqsədilə tədbir hibrid formatda həyata keçiriləcək. Tədbir 15:00-dan 17:00-dək əyani şəkildə Mərkəzi Gömrük Hospitalının akt zalında, distant olaraq isə ZOOM platforması üzərindən gerçəkləşəcək.
Böyük Britaniyada diplomdansonrakı tibb təhsili və mama-ginekologiya üzrə ixtisaslaşma barədə məlumatlanmaq istəyən hər bir tibb işçisi görüşdə iştirak üçün dəvətlidir!
Yerlər məhdud olduğu üçün qeydiyyatdan keçmək MÜTLƏQDİR!
Ətraflı məlumat almaq üçün link: https://customshospital.az/boyuk-britaniyada-tibb-tehsili-ve-mama-ginekologiya-uzre-ixtisaslasmaya-dair-maariflendirici-gorus/#gsc.tab=0
Qeydiyyat linki: https://forms.gle/tgVqGMk53i5JXSpz7
