"Həkimlərimizi tanıyaq" rubrikasında Gəncə Şəhər Birləşmiş Xəstəxanasının nəzdində fəaliyyət göstərən Akademik Z.Məmmədov adına xəstəxananın Pediatriya şöbəsinin həkim-nevroloqu Vüsalə Məmmədovanı təqdim edirik.

Aztibb.az xəbər verir ki, Məmmədova Vüsalə Rəhman qızı 19 sentyabr 1973-cü ildə Gəncə şəhərində anadan olub. O, 1991–1997-ci illərdə Azərbaycan Tibb Universitetinin Pediatriya fakültəsində ali təhsil alaraq həkimlik ixtisasına yiyələnib.

Əmək fəaliyyətinə 1998-ci ildə 4 saylı Uşaq poliklinikasında başlayan həkim, 2005-ci ildən etibarən Akademik Z.Məmmədov adına xəstəxananın Pediatriya şöbəsində həkim-nevroloq kimi fəaliyyətini uğurla davam etdirir.

Uşaq nevrologiyası sahəsindəki tibbi yenilikləri daim diqqətdə saxlayan Vüsalə Məmmədova bir sıra yerli və beynəlxalq elmi-praktik konfransların fəal iştirakçısıdır.