Tətildən sonra formanı bərpa etmək üçün pəhriz və gündəlik rejimi dəyişdirmək məsləhətdir.

Aztibb.az actualnews.org-a istinadən xəbər verir ki, diyetoloq Aleksandra Noyevin bildirdiyinə görə, spirtli içki, qızardılmış və şirin yeməklər qəbul etmək nəticəsində dəri solur, şişkinlik yaranır, gündəlik iş rejimi pozulur.

Bu vəziyyəti atlatmaq üçün bədənin hər 1 kq çəkisinə görə içilən suyun miqdarı üçdə bir artırılmalıdır - 30 ilə 40 mililitr arasında. Pəhriz də dəyişdirilməlidir. Balıq yeməkləri, qoz-fındıq, tərəvəz, meyvə, quş əti (dərisiz) və turş süd məhsulları (yağ tərkibi 3% -dən çox olmamalıdır) qəbul edilməlidir.

Axşam saat 19.00-dan sonra mütəxəssis yemək yeməməyi və həftədə 1-2 dəfə axşam yeməyindən imtina etməyi məsləhət görür.

“23:00-dan gec olmayaraq yatın və səhər 9-dan əvvəl oyanın. Gündəlik gəzintilər də kifayət qədər tez forma almağınıza kömək edəcək, velosiped sürmək yaxşı seçimdir”, – diyetoloq qeyd edib.