Qızlarda 8-13 yaş cinsi inkişafın başlanma yaşıdır.

Aztibb.az xəbər verir ki, pediatr-endokrionoloq Könül Səmədovanın bildirdiyinə görə, 13-14 yaşlı qızda süd vəzi inkişaf etməyibsə bu, cinsi inkişafın ləngiməsi kimi dəyərləndirilir və həmin uşaq endokrinoloq tərəfindən yoxlanılmalıdır.

Əgər bir qız 16 yaşında ayıbaşı görmürsə, bu isə birincili amenoreya kimi dəyərləndirilir və ciddi araşdırılmalıdır.

Gənc qızda süd vəzi tam formalaşmasından (Tanner mərhələ 5) 3-4 il keçməsinə baxmayaraq aybaşı başlamayıbsa birincili amenoreya kimi dəyərləndirilir.

Aybaşı olan hər bir qızda ilk 2-3 ildə aybaşında düzənsizlik olması ola bilən bir haldır. Bu hələ tam formalaşmamış hipotalamo-hipofizar-qonad yolu ilə bağlıdır.

Aybaşı düzənsizliyi-aybaşının olmaması 3 ayı keçirsə ciddi müayinə tələb edir.