Müvafiq olaraq şikayət etmək yaddaş və problemlərin həllindən məsul olan hipokampusun ölçüsünü azaldır. Mütəxəssislər deyirlər ki, nə qədər tez-tez şikayət etsəniz, mənfi düşünmə ehtimalınız bir o qədər artır.
Aztibb.az aksam.com.tr-yə istinadən xəbər verir ki, bununla bağlı ABŞ-ın Stenford Universitetinin alimləri araşdırma aparıblar.
Tədqiqat nəticəsində məlum olub ki, birinin şikayətini 30 dəqiqədən çox dinləmək beyinə də zərər verir.
Şikayət etmək, mübarizə aparacaq və ya qaçacaq bir şey olmadığı zaman yersiz stres reaksiyasına səbəb olur və kortizol, şəkər, təzyiq yüksəlir.
Stress dərəcəsi artdıqca beynin daha çox zədələndiyi bildirilir. Bu zaman oksidləşdirici, iltihablı reaksiyalar artır və hüceyrənin canlılığına zərər verən mühit formalaşmağa başlayır. Nəticədə neyron itkisinə səbəb olur.
Təklif edilir ki, özünütərbiyə ilə mənfi düşüncələri müsbət düşüncələrlə əvəz etmək üçün məşqlər olunmalıdır. Bu, çox faydalı terapiyadır.