Çinin Cənub Tibb Universitetinin alimləri tərəfindən aparılan yeni araşdırmaya görə, uzun cib telefonu danışıqları hipertoniyaya tutulma riskinin artması ilə əlaqələndirilir.

Aztibb.az ridus.ru-ya istinadən xəbər verir ki, tədqiqatda bu xəstəliyi olmayan 37-73 yaş arasında olan 212.046 insanın məlumatlarından istifadə edilib.

Könüllülərdən toplanan məlumatlarda telefondan illərlə istifadə, həftədə telefondan istifadə saatları, səs və qulaqcıqlardan istifadə ilə bağlı qeydlər yer alıb.

“European Heart Journal”da dərc edilən araşdırmanın nəticələrinə görə, həftədə 30 dəqiqə və ya daha çox cib telefonları ilə vaxt keçirənlərin yüksək qan təzyiqinə tutulma ehtimalı telefon danışığına 30 dəqiqədən az vaxt sərf edənlərə nisbətən 12% daha çoxdur.

Nəticələr həm qadınlar, həm də kişilər üçün eyni olub.