Stokholm Universitetinin tədqiqatçıları müəyyən ediblər ki, uzun yollar fiziki aktivliyin azalmasına, çəki artımına və yuxu problemlərinə səbəb ola bilər.
Aztibb.az glas.ru-ya istinadən yazır ki, mütəxəssislərin araşdırmasının nəticələri universitetin saytında dərc olunub.
Tədqiqatçılar 13 min insanın həyat tərzi və iş yeri ilə bağlı məlumatları öyrəniblər. Məlum olub ki, 3 km-dən çox yol qət etmək qeyri-kafi fiziki aktivlik və piylənmə, eləcə də zəif yuxu ilə əlaqələndirilir. Həftədə 5 saatdan çox yolda vaxt keçirən və 40 saatdan çox işləyən insanların fiziki fəaliyyətsiz olma ehtimalı daha yüksək olub.
Təhlillər göstərib ki, iş yerləri yüksək sosial-iqtisadi statuslu ərazidə və ya kafe, yaxud restoranların yaxınlığında yerləşirsə, müqayisədə bu insanlarda nisbətən alkoqolizmin erkən əlamətləri daha çox görülür.
İş yeri ilə ünvan arasındakı ən yaxşı məsafə də müəyyən edilib, iş evdən 3 kilometr aralıda olmalıdır. Alimlər deyirlər ki, insanlar ailədə daha çox vaxt keçirirsə, daha çox aktiv olurlar.