Elmi adı hirsutizm olan kişi tipli tüklənmə cinsiyyətə xas yerlərdə terminal cod tüklərin olmasıdır.

Androgenlər qadınların orqanizmində də olan bir hormondur. Bu hormon cinsi yetişkənlikdən etibarən qoltuqaltı və qasıq nahiyyəsində cod tüklənməyə səbəb olur.

Aztibb.az xəbər verir ki, pediatr-endokroinoloq Könül Səmədova sözlərinə görə, hirsutizm zamanı androgenlər normaldan artıq olduğu üçün androgenə həssas nahiyyələrdə cod tüklər əmələ gəlir.

Hirsutizm çox vaxt yanaşı olaraq, səs qalınlaşması, kişi tipli əzələli bədən və aybaşı pozğunluqları ilə birgə özünü göstərir.

Xəstəlik uşaq endokrinoloqları Ferriman-Gallwey Dəyələndirmə sxeminə əsasən dəyələndirir. Bu sxemə görə verilən xallarla hirsutizmin ağırlıq dərəcəsi müəyyən olunur.

Hirsutizmi hipertrixozdan fərqləndirmək ən əsas şərtdir.

Hipertrixoz bədənin androgenə həssas olan və olmayan nahiyyələrində androgen artması olmadan, kişilərə xas cod olmayan yayılmış tük artışıdır.

Biz qafqazlılar asiyalılar və avropalılarla müqayisədə daha tüklüyük ki, bu da çox vaxt valideynləri təşvişə salır.