Rusiya alimləri məşhur vitamindən xərçənglə mübarizədə istifadə imkanlarını araşdırırlar.

Aztibb.az actualnews.org-a istinadən xəbər verir ki, D vitamini bədxassəli törəmələrin baş verməsinin effektiv qarşısının alınması kimi xidmət edə bilər.

Alimlər uzun müddətdir ki, cənubda yaşayan insanlarda bədxassəli törəmələrin sayının şimala nisbətən daha az olduğunu müşahidə ediblər.

Vəziyyəti araşdıran ekspertlər müəyyən ediblər ki, bu fenomenin səbəbi günəşli günlərin sayıdır, buludlu hava olan ərazilərdə xərçəng xəstələrinin faizi günəşli olanlara nisbətən bir neçə dəfə çoxdur. Bu fakta əsaslanaraq Rusiya alimləri D vitamininin xərçənglə mübarizədə istifadəsinin mümkünlüyünü öyrənməyə başlayıblar.

Bildirlib ki, D vitamini günəş işığının təsiri altında bədəndə istehsal olunan faydalı maddədir. Əsas təsiri raxit və bənzər xəstəliklərlə mübarizədə faydalı olan sümük toxumasının sağlamlığını dəstəkləməkdir. Alimlərin əldə etdiyi yeni məlumatlara əsasən, D vitamininin müntəzəm istifadəsi prostat vəzində şişlərin yaranmasının qarşısını ala bilər.

Kolorektal xərçəngin qarşısının alınması sahəsində aparılan araşdırmalara görə, D vitamininin kolon xərçənginin müalicəsi üçün dərmanlarla birlikdə istifadəsi effektiv kömək edir. Eyni zamanda, unutmaq olmaz ki, xərçəngin ən yaxşı profilaktikası patologiyaların aşkarlanması üçün mütəmadi olaraq tibbi müayinə və skrininqlərdir.