Uşaqlıqda ananızın sizi kimlərləsə müqayisə etməsi ilə bağlı xatirələriniz var?

Ya da yeniyetməlik dövründə özünüzü yaşıdlarınızla müqayisə edib üzərinizdə dəyişikliklər etmisiniz?

Böyük ehtimal, hamımızın zehninin bir yerlərində belə xatirələr var. Bəzilərimiz “Mən hələ də özümü başqaları ilə müqayisə edirəm” deyir.

Aztibb.az-a NA-Loqopedik Psixoloji Mərkəzdən verilən məlumata görə, psixologiyada buna “Sosial müqayisə” deyilir.

Sosial müqayisə etməyin bir çox səbəbləri var:

Özünü dəyərləndirmə ehtiyacı

Özümüz haqqında məlumat sahibi olmaq üçün digərləri ilə müqayisə etmə ehtiyacı duyuruq. Məsələn, ağırlığımızın normal olub-olmamadığını bilmək üçün ideal çəkmizin nə qədər olduğunu öyrənməliyik. Bizim üçün bunun ən asan yolu özümüzü digərləri ilə müqayisə edərək nəticəyə gəlməkdir.

Özünü inkişaf ehtiyacı

İnsanı insan edən ən önəmli xüsusiyyətlərdən biri də həmişə irəli getmək ehtiyacının olmasıdır. Bu səbəbdən də özümüzün nə qədər irəlilədiyini, hansı yerdə olduğumuzu görmək üçün başqaları ilə müqayisə etmək ehtiyacı duyuruq. Lakin bunu davamlı etməyimiz özümüzü dəyərsiz hiss etməyimizə səbəb ola bilər.

Başqaları ilə birlikdə olmaq ehtiyacı

İnsan sosial varlıqdır. Özümüzə bənzər insanlarla birlikdə olmaq bizi daha yaxşı və xoşbəxt hiss etdirir. Bu səbəbdən də, bizimlə eyni problemləri yaşayan şəxslərlə müqayisə edib eyni düşüncə və duyğulara sahib insanlarla birlikdə olmaq sosial ehtiyacımızı ödəyir.