Qopmuş və ya deşilmiş qulaq zarı, xarici qulaq kanalını orta qulaqdan ayıran pərdədə meydana gələn bir dəlik ya da yırtıqtır.

Aztibb.az xəbər verir ki, lor cərrah Cahangir İsmayılovun sözlərinə görə, qulaq zarı dəlinmələrinin bir çoxu, orta qulaq iltihabından qaynaqlanır. Bir partlayış və ya başa gələn şiddətli bir zərbə (təzyiqdə ani dəyişikliyə səbəb olur) və ya qulağa soxulan yad bir cisim (pambıqlı çubuq kimi ya da raptiyə kimi), qulaq zarının açılmasında səbəb olur.

Dəlinmə, qismən eşitmə itkisinə, az miqdarda qanama, qulaqdan sızıntı və ya qulaq ağrısı ilə nəticələnir.

Həkiminiz otoskop (qulaq müayinə cihazı) köməyi ilə qulaq pərdəsinə baxdıqda bu yırtıq görünəcək. Bir dəlik meydana gəlmişsə, infeksiya olmaması üçün antibiotik yazacaq. Bəzi kiçik dəliklər, özlüyündə keçəcək.