Ekspertin fikrincə, pivənin az alkoqollu içki olması çaşdırıcıdır. Əslində, pivə digər sərt içkilərdən daha çox asılılıq yaradır.

Aztibb.az "Arqumentı i Faktı" nəşrinin məlumatına əsasən xəbər verir ki, psixiatr-narkoloq Tatyana Klimenko pivənin gizli təhlükələrindən danışıb.

"Pivə və siqaretin təsirini radiasiya zonasında olmaqla müqayisə etmək olar. İnsan əvvəlcə heç nə hiss etmir, bir müddət sonra problemlər yaranır. Onların istifadəsinin nəticələri sərt içki qəbulundan daha güclü olur",– T.Klimenko bildirib.

Tatyana onu da qeyd edib ki, məhz pivə içmək nəticəsində qaraciyərin zəhərli zədələnməsi yaranır. Bu, içkinin fermentasiyası zamanı zəhərli maddələrin əmələ gəlməsi ilə əlaqədardır.