Həkim mövsümi allergiyanın əlamətlərindən qurtulmağın bir yolunu izah edib.

Mövsümi allergiyanın heç bir şəkildə özünü büruzə verməməsini təmin etmək üçün xəstələr xüsusi immunoterapiyadan keçə bilərlər.

Aztibb.az runews24.ru-ya istinadən xəbər verir ki, otorinoloq Sofiya Melnikin sözlərinə görə, ASIT allergiya təzahürlərindən xilas olmaq üçün ən təsirli dərmandır.

Eyni zamanda, mütəxəssis izah edib ki, simptomlar biruzə verməzdən əvvəl müalicəyə başlamaq lazımdır. Müalicə beş yaşından başlana bilər və effekt olarsa 3-5 il davam etdirilə bilər. Terapevtik təsir olmadıqda, dərman dayandırılmalıdır.

Düzgün müalicəni tapmaq üçün həkimlər allergiya testlərindən faydalanmalıdır. Sonra xəstəyə bir neçə payız-qış ayı üçün asılılıq yaradan allergenlər vurulur, buna görə də yazda o, artıq onlara reaksiya vermir.

“Müxtəlif üsullar var: dilin altına həblər, buruna damcılar, iynələr var. Ancaq deyə bilərəm ki, inyeksiya üsulu müəyyən hallarda daha yaxşı kömək edə bilər ", – deyə həkim əlavə edib.