Hər insanın fərdi xüsusiyyətləri fərqli olduğu kimi, gündəlik mübarizəsi və onu həyatda ən çox yoran səbəblər də fərqli olur.

Aztibb.az xəbər verir ki, uzman psixoloq Cəmilə Rəhimlinin sözlərinə görə, sadəcə, çox işləmək və fiziki əziyyətdən sonra yorulmuruq. Bizi yoran və yorduğundan xəbərimiz olmayan bir çox düşüncə və emosional vəziyyətdə ola bilər.

Həkim haqqında kifayət qədər danışılmayan 5yorğunluq növünü sadalayıb:

Gələcəyin yorğunluğu

Gələcəkdəki hədəfləriniz üçün çalışmağa o qədər vaxt sərf etmisiniz ki, bugünkü ehtiyaclarınıza qarşı laqeyd qalmısınız. Bu proses mental sağlamlığınıza ciddi zərər verir.

Yardımçı yorğunluğu

Bütün gücünüzü və enerjinizi özünüzə çox az resurs saxlayaraq ancaq başqaları üçün sərf etmək.

Depressiya yorğunluğu

Sizi utandıran, yorğun, dəyərsiz və ümidsiz hiss etdirən mənfi fikirlərlə mübarizə aparmaqdan və onların ağırlığını daşımaqdan yorulmaq.

Təşviş yorğunluğu

Həmişə "savaş ya da qaç" rejimində olmaqdan və heç vaxt ehtiyatı əldən verməməkdən yorulmusunuz. Və dünya təhlükəsiz bir yer kimi gəlmir.

Şəfqət yorğunluğu

Başqalarının hisslərini mənimsəməkdən və emosional cəhətdən yüklənməkdən özünüzü yorğun hiss edirsiniz.