Həddən çox tərləmək (hiperhidroz) geniş yayılmış narahatçılığıa səbəb olan pozğunluqlardan biridir.
Aztibb.az xəbər verir ki, endokrinoloq - diyetoloq Fidan Səmədova endokrin hiperhidrozun səbəblərini sadalayıb:
– Şəkərli diabet. Diabetik polineyropatiya, uzunmüddət qan şəkərlərinin tənzimlənməməsinə görə vegetativ sinir sistemi zədələnir. Bu zaman tərləmə bədənin yuxarı hissəsində daha çox olur, çanaq və aşağı ətrafların dərisi quru qalır;
– Qalxanvari vəzi xəstəlikləri;
– Piylənmə;
– Akromeqaliya (artıq boy hormonu ifrazına səbəb olan hipofiz şişi xəstəlikləri) Bu zaman dəri qalınlaşır, piy və tər vəziləri aktiv işləməyə başlayır;
– Klimakterik sindrom. Qadın cinsi hormonu olan esterogenlərin azalması beyin mərkəzlərini qıcıqlandıraraq, istilik axını hissi və həddən artıq tərləməyə səbəb ola bilər;
– Feoxromasitoma – böyrəküstü vəzilərin adrenalin və noradrenalin ifraz edən şiş xəstəliyidir;
– Cinsi yetkinlik dövrü. Qeyri-stabil artan hormonlar simpatik sinir sistemini qıcıqlandıraraq çox tərləməyə səbəb ola bilərlər.
Beləliklə, əgər sizin də həddən artıq tərləmə şikayətiniz varsa, səbəbini araşdırmaqdan çəkinməyin. Uğurlu müalicənin təməli düzgün diaqnozun qoyulmasıdır.