Travmatik uşaqlıq yaşamış insanlar burda yazılan ən sadə həqiqətlərin belə fərqində olmaya bilər. Bu səbəbdən, xatırladılması olduqca önəmlidir.

Aztibb.az uzman psixoloq Cəmilə Rəhimlinin travmatik uşaqlıq dövrü keçirmiş olan insanlar üçün bəzi tövsiyələrini təqdim edir.

Birinin sənə sevgi verə bilməmiş olması, səni sevilməyə layiq olmayan biri etmir.

Sənin dəyərini keçmişdə yaşadıqların müəyyən etmir. Yaşadığın dəyərsizlik duyğusunu bir həqiqət kimi qəbul edib, həyatdan gözləntilərini bunun əsasında formalaşdırma.

Təməl ehtiyaclarınızın qarşılanmasını gözləmisiniz deyə, valideynlərinizə yük olmamısınız.

Valideynlərinizin xoşbəxtliyi sizin məsuliyyətiniz deyildi.

Sizin düşüncələriniz də hisləriniz də önəmlidir.

Səsinizin zamanında eşidilməməsi, indi də eşidilməyəcəyi mənasına gəlmir.

Yalnız ətrafınızdakı insanların rahatlığına yox, öz daxili dincliyinizə də üstünlük vermək vacibdir.