Artan yorğunluq, çətin oyanmaq, işə getməmək istəyi yaz yorğunluğunun səbəblərindəndir.
Bəs, yaz yorğunluğunuz üçün yaxşı ola biləcək təklifləri tətbiq etməyə nə deyirsiniz?
Aztibb.az xəbər verir ki, qastrenteroloq-hepatoloq Mahirə Qədirova daha çox mövsümi tərəvəz və meyvələrdən istifadə etməyi tövsiyə edir.
Bol su içməyi və maye ehtiyacınızı şorba, ayran, kefir, eləcə də su kimi içkilərlə mütləq qarşılayın.
Yorğunluğunuzu aradan qaldırın və həkimə müraciət edin. Müayinələrdən sonra həkiminiz zəruri hesab edərsə, mütəmadi olaraq vitamin-mineral əlavələrindən istifadə edin.
Özünüzü yorğun hiss etsəniz belə, həftədə ən azı üç gün mütəmadi olaraq idman etməyi və yarım saat sürətlə gəzməyi vərdiş edin.
Amma unutmaq olmaz ki, bütün yorğunluqlar “yaz yorğunluğu” deyil. Yorğunluq aylarla davam edərsə və ya yataq istirahəti ilə getməsə, xroniki bir xəstəlik ola bilər. Belə olan halda mütləq həkimə müraciət edin.