Mitral çatışmazlıq ürəkdə sol qulaqcıq və mədəcik arasındakı qapaqların yetərli qapanmamasıdır. Mitral qapaq çatışmazlığı üçün ən ideal müalicə üsulu – Qapaq təmiridir. Uyğun olduğu halda xəstələrə qapaq dəyişdirilməsindən çox, qapaq təmiri tövsiyə edirik.

Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev Aztibb.az-a bildirib ki, mitral qapaq təmirinin üstünlükləri aşağıdakılardır:

Xəstənin öz ürək qapağını qorumağa imkan verir;
Sağ sinə altından təxminən 3-5 sm-lik kəsiklə endoskopik olaraq həyata keçirilir;
Endokardit (qapaq infeksiyası) təhlükəsi çox aşağı səviyyədədir;
Ürəyin funksiyaları uzun müddətdə daha yaxşı qorunur;
Ağciyər qan təzyiqinin inkişaf etmə ehtimalı daha azdır;
Əməliyyatdan sonra və uzun müddətdə iflic riski minimumdur;
Qan duruldan dərmanların istifadə edilməsinə ehtiyac yoxdur.