Harvarddakı ictimai səhiyyə mütəxəssisləri qazlı suyu qəhvə ilə əvəz etməyi məsləhət görürlər. Bunun 2-ci tip şəkərli diabet diaqnozu qoyulan insanların ömrünü uzadacağı iddia edilir.

Aztibb.az xəbər verir ki, “British Medical Journal”ın məlumatına görə, tərkibində şəkər olan içkilər diabet və ürək-damar xəstəlikləri, həmçinin piylənmə ilə əlaqəli patologiyaları olanlar üçün zərərlidir.

Harvarddan olan mütəxəssislər 9200-dən çox qadının və 3500-dən çox kişinin sağlamlığı ilə bağlı məlumatları təhlil ediblər. Tədqiqat başlayanda hər bir iştirakçıya tip 2 diabet diaqnozu qoyulmuşdu.

Müşahidə bir neçə il ərzində aparıldı, zaman-zaman iştirakçılar hansı içkiləri və nə qədər tez-tez içdiklərini bildiriblər.

Müşahidələrin nəticələri göstərib ki, tez-tez limonad, soda, meyvə şirələri istehlak edən insanlarda ürək-damar xəstəlikləri və diabetdən vaxtından əvvəl ölüm riski nəzərəçarpacaq dərəcədə artıb.

Mütəxəssislər bu cür təhlükəli yüksək şəkərli qidaları daha neytral olanlarla əvəz etməyi məsləhət görüblər: çay, qəhvə, süd. İdeal olaraq, yeməklər arasında su içmək yaxşıdır.